نظرة عامة حول الدروس

مرحبا بيكم في منصة إشارتي وصوتي للتعليم عن بعد. فرحانين انكم اخترتوا منصتنا باش توسعو في دائرة المعارف متاعكم وتتعلمو حاجة جديدة. الأهم انكم جيتو للبلاصة الصحيحة. منصة إشارتي وصوتي هي منصة تفاعلية ودامجة وسهلة الاستخدام فيها دروس تهم الديمقراطية والمواطنة والشأن المحلي في شكل فيديوهات تعليمية تهدف لتشجيع المشاركة الفاعلة في المجتمع منصة إشارتي وصوتي فيها دورة تدريبية متكاملة تتكون من 6 وحدات تعليمية والي هي: - مقدمة للنظام السياسي ومؤسسات الدولة - الديمقراطية، المواطنة والمجتمع المدني - الحقوق الرقمية وإمكانية الوصول الرّقمي - الانتخابات والإتاحة - الحكم المحلي والبلديات - إدارة النشاط المجتمعي منصة إشارتي وصوتي تهدف لدمج كل الأشخاص ذوي الإعاقة من خلال مواد تعليمية تهتم بالشأن العام، تناسب حاجياتهم وترتقي باهتماماتهم. البداية باش تكون بمواد تعليمية نظرية لين نوصلو للتطبيق ... كيف نعرفوا قيمة المرونة في العالم السريع الي نعيشوا فيه هذاكا علاش منصة إشارتي وصوتي تتيح ليكم الوصول للدورات في أي وقت يساعدكم وتنجموا تتعلمو بالوتيرة الي تحبو عليها. مهمتنا انو نوفرولكم تجربة تعلم شاملة وتفاعلية ودامجة عبر وسائط متعددة ومتنوعة و على يد أحسن الخبراء. في الأخير منصة إشارتي وصوتي للتعليم عن بعد توفرلك شهادة مشاركة بعد إجراء مجموعة من الاختبارات الي باش تعزز مكتسباتكم المعرفية. مرحبا بيكم في منصة إشارتي وصوتي للتعليم عن بعد على موقع الواب والتطبيقة على الهواتف.